ဖေဖေါ်ဝါရီ (၁၉)ရက်နေ့ဟာ (၆၄)နှစ်မြောက်မွန်အမျိုးသားနေ့ဖြစ်ပါတယ်။ ပြည်တွင်းမှာတော့ မွန်အမျိုးသား နေ့ကိုမွန်ပြည့်နယ်သံ ဖြူဇရပ်မြို့ကိုဗဟိုပြုပြီးကျင်းပကြသလို မွန်ပြည်သစ်ပါတီကတော့ သူတို့ရဲ့ဗဟိုစခန်း ၀န်းကျင်မှာ ကျင်းပကြပါတယ်။
ဒီတော့မွန်လူမျိုးတွေရဲ့လိုလားချက်ကဘာတွေလဲ၊ လက်ရှိရှိနေတဲ့မွန်နိုင်ငံရေးပါတီတွေကတော့ လက်နက်ကိုင်လမ်းစဉ်ကို ကျင့်သုံးနေတဲ့နေတဲ့မွန်ပြည်သစ်ပါတီရယ် ပြီးတော့ နအဖဥပဒေဘောင်အတွင်း မှာ လှုပ်ရှားနေတဲ့မွန်ဒေသလုံးဆိုင်ရာ ဒီမိုကရေစီပါတီရယ်ဘဲရှိပါတယ်။
သူတို့ဟာကိုယ့်ကြမ္မာ ကိုယ်ဖန်တီးပိုင်ခွင့်ရှိတဲ့ ဖယ်ဒရယ်ပြည်ထောင်စုတည်ဆောက်ရေးကိုအတူတူ ရည်မှန်းကြပေမယ့် လက်တွေ့အကောင်အထည်ဖော်မယ့် လမ်းကြောင်းကတော့ မတူညီကြပါဘူး မွန်ဒေသ လုံးဆိုင်ရာပါတီကတော့ အတူတကွ ယှဉ်တွဲနေထိုင်ရေးကိုအကြောင်းပြုပြီး လက်ရှိလွှတ်တော်မှာ ပါဝင် ဆောင်ရွက်သွားဖို့ရည်ရွယ်ပေမယ့် အခက်အခဲတော့ဖြစ်နေပြီလို့ပါတီ ဥက္ကဌနိုင်ငွေသိမ်းက ဆိုပါတယ်။
မွန်ပြည်သစ်ပါတီကတော့ နိုင်ငံရေးပြဿနာကိုနိုင်ငံရေးအရဖြေရှင်းခွင့် မရှိတဲ့အခြေအနေမှာ နအဖ ကလည်းလက်နက်ချဖို့သာဖိအားပေးလာနေတော့ သူတို့ရဲ့ (၁၅)နှစ်တာအပစ်အခတ်ရပ်စဲရေးကိုပယ်ဖျက်ခဲ့ ပါတယ်။ ဒါပေမယ့် မွန်ဒေသလုံးဆိုင်ရာပါတီရဲ့ကြိုးပမ်းမှုကိုတော့ ထောက်ခံတယ်လို့ အထွေထွေအတွင်းရေး မှုးဖြစ်တဲ့နိုင်ဟံသာက ဘီဘီစီကိုပြောပါတယ်။
တကယ်တော့မွန်လူမျိုးဟာမိမိတို့ရည်မှန်းချက်ကို ရရှိဖို့အတွက် (၁၉၄၈)ခုနှစ်ကတည်းက စတင်ပြီး ဥပဒေအတွင်းရောလက်နက်ကိုင်လမ်းစဉ်နဲ့ပါ ကျင့်သုံးပြီးအခုထိတိုက်ပွဲဝင်နေဆဲလို့ပြောရမှာဖြစ်ပါတယ်။ အဲဒီစိတ်ဓါတ်တွေဟာဒီကနေ့ကျင်းပတဲ့ စည်းကားလှတဲ့အမျိုးသားနေ့အခမ်းအနားကိုကြည့်ရင် ခေတ်လူငယ် တွေဟာမွန်အလံတော်တွေကို ကိုင်ဆောင်ပြီးမြို့တိုင်းရွာတိုင်းအရောက် လှည့်လည်နေတာကိုတွေ့မြင် နိုင်ပါတယ်။
Source: BBC
0 comments:
Post a Comment